9 May Qələbə Günü münasibətilə tədbir keçirildi
7 may 2019-cu il tarixində Zaur Məmmədov adına 171 nömrəli tam orta məktəbdə 9 May Faşizm Üzərində Qələbə Günü münasibətilə tədbir keçirildi. Böyük Vətən Müharibəsinə həsr olunmuş videoçarx nümayiş olundu. Şagirdlər qələbəyə, vətənpərvərliyə həsr olunmuş mahnılar ifa etdilər, şeirlər söylədilər, müxtəlif səhnəciklər nümayiş etdirdilər. Tədbirdə Bakı Şəhəri üzrə Təhsil İdarəsinin məsləhətçisi Fərman Abdullayev qələbədə Bakı neftinin əvəzsiz xidmətindən danışdı. Sovet İttifaqı Qəhrəmanı Mehdi Hüseynzadənin bacısı oğlu Mehdi müəllim çıxış edərək müharibədə qəhrəmanlıq göstərən Azərbaycanın qəhrəman oğul və qızlarından söz açdı. Xətai rayon Müharibə Veteranları Birliyin sədri Nəcibə xanım Qələbə Günü münasibətilə tədbir iştirakçılarını təbrik etdi, qələbədə Azərbaycanın xalqının göstərdiyi xidmətdən, verdiyi töhvədən, Azərbaycanın igidlik göstərən övladlarından danışdı. Tədirdə müəllimlər, şagirdlər, valideynlər, müharibə veteranaları və digər qonaqlar iştirak edirdi.
