"Gəlin təbiəti düşünək, o özü hər şeyi düşündüyü kimi" adlı biologiya gecəsi keçirildi
4 mart 2016 - cı il tarixində Zaur Məmmədov adına 171 saylı tam orta məktəbin kiçik akt zalında məktəbin biologiya müəllimi Südabə Səmədovanın təşkil etdiyi "Gəlin təbiəti düşünək, o özü hər şeyi düşündüyü kimi" adlı biologiya gecəsi keçirildi. Tədbirdə 7 və 8 - ci sinif şagirdləri iştirak edirdilər. Bütün şagirdlər milli geyimdə biologiya gecəsinə qatılmışdılar. Şagirdlər Biologiya elmi, Həyat bilgisi, Qoruqlar, Qırmızı kitab, Ekologiya, Topxana meşəsi haqqında hazırladıqları məruzələrlə çıxış etdilər. Şagirdlər tərəfindən hazırlanmış maraqlı səhnəciklər göstərildi. Şagirdlər təbiətə aid mahnılar oxudular, müxtəlif rəqslər etdilər, müəllimlərə aid şeirlər söylədilər. Tədbirdə Qarabağa aid, Xarı bülbülün şəkilləri nümayiş etdirildi. Qarabaş şikəstəsi səsləndirildi. Biologiyanın bütün sahələri səhnəciklərdə öz əksini tapmışdır. Şagirdlərə zərərli vərdişlərdən uzaq olmaq barədə tövsiyələr verildi.
