“Vahid Əziz dünyasının sehri” adlı görüş keçirildi
3 may 2019-cu il tarixində Zaur Məmmədov adına 171 nömrəli tam orta məktəbdə Azərbaycanın görkəmli nəğməkar şairi Vahid Əzizlə görüş keçirildi.
İlk olaraq nəğməkar şair Vahid Əziz məktəbin sinif otaqları, fənn kabinetləri, laboratoriyaları, kompüter otağı, tarix muzeyi ilə tanış oldu.
Məktəbin böyük akt zalında keçirilən tədbirdə şagirdlər Vahid Əzizin yazdığı şeirləri söylədilər, onun yazdığı şeirlərə bəstələnmiş mahnılar ifa etdilər.
Sonra söz nəğməkar şair Vahid Əzizə verildi. O öz fikirlərini bildirdi. Şagirdlərin çıxışlarını, tədbirin gözəl hazırlandığını vurğuladı. Sonda isə şagirdlər onları maraqlandıran sualları şairə ünvanladılar. Nəğməkar şair verilən sualları böyük həvəslə və ətraflı cavablandırdı.
Görüşün sonunda tədbir iştirakçıları nəğməkar şair Vahid Əzizlə xatirə şəkili çəkdirdilər.
