"Gözlərə nur bəxş edən alim" adlı tədbir keçirildi
Xətai rayon İcra Hakimiyyətinin təşkilatçılığı ilə Zaur Məmmədov adına 171 nömrəli tam orta məktəbdə Akademik Zərifə Əziz qızı Əliyevanın anadan olmasının 96 illiyinə həsr olunmuş «GÖZLƏRƏ NUR BƏXŞ EDƏN ALİM» adlı tədbir keçirildi. Tədbirdə Xətai rayon İcra Hakimiyyəti aparatının şöbə müdüri Pənah İmanov, İcra Hakimiyyətinin nümayəndəsi Məhəmməd İbrahimov, 9 saylı Uşaq Poliklinikasının baş həkimi Aida Hüseynzadə, Xətai rayon Gənclər İdman İdarəsinin nümayəndəsi, Xətai rayon Müharibə Veteranları Cəmiyyətinin üzvləri, valideynlər, müəllimlər, şagirdlər, Xətai rayonunda fəaiyyət göstərən idarə və təşkilatların nümayəndələri iştirak edirdi.
Akademik Zərifə Əliyevanın həyat və yaradıcılığını əks etdiən videoçarx nümayiş etdirildi. Şagirdlər Sevil Əliyevanın bəstəlidiyi “Ana” mahnısını ifa etdilər. Onların ifasında müxtəlif mahnı və rəqs nömrələri nümayiş etdirildi.
