Azərbaycan dili fənnindən "Açıq dərs" keçirildi
9 aprel 2019-cu il tarixində Zaur Məmmədov adına 171 nömrəli tam orta məktəbdə Ofelya Süleymanovanın 5 d sinfində Azərbaycan dili fənnindən “Fəsillər” mövzusunda “Açıq dərs”i keçirildi. Dərsin gedişi böyük və kiçik qruplarla iş formasında qurulmuşdur. “Açıq dərs”də şagirdlər mövzu ətrafında məlumat verdilər. Əvvəlcədən hazırlanmış divar qəzetlərində şagirdlər mövzuya uyğun olaraq məlumatlar və şəkillər yerləşdirmişdilər. Fəsillərə uyğun paltar geyinmiş şagirdlər hər fəslin özünəməxsus xüsusiyyətləri haqqında məlumat verdilər, şeirlər söylədilər. Fəsillərə aid videoçarx nümayiş etdirildi. Verilmiş qrup tapşırıqlarını həvəslə və düzgün yerinə yetirdilər. Məktəbimizin "Azərbaycan-Solveniya dostluq körpüsü" layihəsi ilə əlaqədar olaraq Sloveniya ilə Azərbaycanın təbiəti, mədəniyyəti, flora və faunası müqaiyəsə olundu, hər iki ölkəya aid videoçarx nümayiş etdirildi.
"Açıq dərs"dən sonra məktəbin direktoru çıxış etdi, dərs təhlil olundu.
