Milli Qəhrəmanın ad günü ilə bağlı tədbirdə şagirdlərimiz iştirak etdi
9 aprel 2019-cu il tarixində Azərbaycan Texniki Universitetində Azərbaycanın Mİlli Qəhrəmanı Şövqiyar Cəmil oğlu Abdullayevin 50 illik yubileyinə həsr olunmuş anım tədbiri keçirildi. Zaur Məmmədov adına 171 nömrəli tam orta məktəbin “Narahat ürəklər” təşkilatının, “Şahinlər” komandasının üzvləri, məktəb rəhbərliyi tədbirin təşkilatçıları olan "Veteran tankçılar birliyi"nin rəhbərliyi tərəfindən tədbirə dəvət olunmuşdular. Universitetin həyətinə şagirdlərimiz 10 metrlik Azərbaycanın Dövlət Bayrağı ilə daxil oldular. Giriş hissədə təntənəli açılış mərasimindən sonra qonaqlar akt zalına dəvət edildilər. Anım tədbirində Zaur Məmmədov adına 171 nömrəli tam orta məktəbin 4-cü sinif şagirdi Həsən Abbasovun söylədiyi “Bayraq” şeiri, şagirdlərin Şəmistan Əlizamanlı ilə birlikdə ifa etdikləri “Cənab leytenant” mahnısı tədbir iştirakçıları tərəfindən alqışlarla qarşılandı. Rəsmi hissədən sonra şagirdlər Milli Qəhrəmanın atası Cəmil Abdullayevlə görüşdülər, onun maraqlı söhbətini dinlədilər. Sonda şagirdlər tədbir iştirakçıları ilə xatirə şəkili çəkdirdilər.
