"Ölkəmizi tanıyaq - Naxçıvan tur – layihəsinin" iştirakçıları məktəbə qonaq gəldilər
8 aprel 2019-cu il tarixində "Ölkəmizi tanıyaq - Naxçıvan tur – layihəsinin" iştirakçıları Xətai rayonu Zaur Məmmədov adına 171 nömrəli tam orta məktəbə qonaq gəldilər. Layihə iştirakçılarını UBTR Günay Dəmirova qarşıladı. İştirakçılar ilk öncə məktəbin direktoru Zemfira Məsiyeva ilə görüşdülər. Daha sonra məktəbin tarix muzeyi ilə tanış oldular. Sonra tur iştirakçılarının gəlişi münasibətilə məktəb şagirdlərinin hazırladıqları robotlara baxış nümayiş etdirildi. Daha sonra oxu zalı, informatika otağı, Azərbaycan-Sloveniya dostluq körpüsünü yaradan, bu əlaqələri özündə əks etdirən guşələrlə, sinif otaqları, hərbi hazırlıq otağı, akt zalı, ibtidai siniflərin girişində təşkil olunmuş əl işlərindən ibarət sərgi, məktəbin adını daşıdığı Zaur Məmmədovun abidəsi, idman meydançası, məktəbin həyətyanı sahəsi ilə tanış oldular. Məktəbin çox gözəl və geniş olduğunu vurğuladılar. Tur iştirakçıları məktəbdən xoş təəssüratlarla ayrıldılar.
