Xocalı Soyqırımına həsr olunmuş güllə atıcılığı yarışı keçirilmişdir
24 fevral 2016- cı il tarixində Bakı Şəhəri üzrə Təhsil İdarəsinin və Bakı Şəhəri Gənclər və İdman Baş İdarəsinin təşkilatçılığı ilə Xətai rayonu, Zaur Məmmədov adına 171 saylı tam orta məktəbin Tir Zalında Xocalı Soyqırımının iyirmi dördüncü ildönümünə həsr olunmuş Güllə Atıcılığı yarışının şəhər mərhələsi keçirilmişdir.Yarışa Bakı şəhərin rayonlar üzrə qalib olan komanda cəlb olunmuşdur.Güllə atıcılığı yarışının təşkilində məqsəd şagirdlərdə atıcılıq hərbi idman növlərinə maraq yaratmaq, həmçinin Xocalı soyqırımını törədən erməni silahlı qüvvələrinin vəhşiliklərini, faciə nəticəsində öldürülən, ağır yaralanan, itkin düşən, girov götürülən insanların statistikasını göstərmək idi. Güllə atıcılığı yarışının şəhər üzrə I yeri Xətai rayon 171 saylı məktəbin komandası, II yeri Nizami rayonunun məktəblərinin yığma komandası, III yeri isə Səbail rayonunun məktəblərinin yığma komandası tutmuşdur. Tədbirin sonunda təşkilatçılar tərəfindən qalib komandaları Diplomlarla və qiymətli hədiyyələrlə təqdim olundu, xatirə şəkli çəkdirildi.
