Aprel döyüşlərinə həsr olunmuş tədbir keçirildi
3 aprel 2019-cu il tarixində Zaur Məmmədov adına 171 nömrəli tam orta məktəbdə Aprel döyüşlərinə həsr olunmuş “Şanlı tarixi qələbəmiz” adlı tədbir keçirildi. Hərbi hazırlıq kabinetində keçirilən tədbirdə Məktəbin hərbi rəhbəri Azər Xankişiyev dördgünlük Aprel döyüşləri barədə məlumat verdi. Aprel döyüşləri zamanı Azərbaycan Ordusunun tarixi şanlı zəfəri və bu zəfər zamanı qazandığı uğurlar barədə, düşmənin verdiyi itkilər barədə məlumat verdi. Azərbaycan Respublikasının Prezidenti, Silahlı Qüvvələrin Ali Baş Komandanı Cənab İlham Əliyevin Azərbaycan Ordusunun inkişafında, gücləndirilməsində göstərdiyi köməklikdən, verdiyi dəstəkdən danışdı. Sonra Aprel döyüşlərinə həsr olunmuş videoçarx nümayiş etdirildi.
Tədbirdə məktəbin tərbiyə işləri üzrə direktor müavini Kənan İsmayılov, “Şahinlər” komandasının üzvləri, onuncu sinif şagirdləri iştirak edirdi.
