31 Mart Azərbaycanlıların Soyqırımı Günü ilə əlaqədar olaraq “Unudulmaz faciə” adlı tədbir keçirildi
29 mart 2019-cu il tarixində Zaur Məmmədov adına 171 nömrəli tam orta məktəbdə 31 Mart Azərbaycanlıların Soyqırımı Günü ilə əlaqədar olaraq “Unudulmaz faciə” adlı tədbir keçirildi. Soyqırım qurbanlarının və şəhidlərin xatirəsi 1 dəqiqəlik sükutla yad edildi. Tədbir iştirakçıları Azərbaycan Respublikasının Dövlət Himnini oxudular. Aparıcılar 31 Mart Azərbaycanlıların Soyqırımı Günü haqqında məlumat verdilər. Şagirdlər vətənpərvərliyə həsr olunmuş mahnılar oxudular, şeirlər söylədilər. 31 Mart Azərbaycanlıların Soyqırımı Gününə həsr olunmuş videoçarx nümayiş etdirildi.
Tədbirin sonunda məktəbin direktoru Zemfira Məsiyeva çıxış edərək soyqırımı haqqında məlumat verdi, şagirdləri tariximizi dərindən öyrənməyə, soyqırımı qurbanlarını unutmamağa çağırdı.
Tədbirdə təlim-tərbiyə işləri üzrə direktor müavini Sima Əhmədova, tərbiyə işləri üzrə direktor müavini Kənan İsmayılov, tarix fənni üzrə metdobirləşmə sədri Həcər Əlişova, musiqi müəllimləri Xanım Qasımova, Cəlalə Talıbova, UBR Günay Dəmirova, kitabxana müdiri Rüxsarə Quliyeva, müəllimlər, şagirdlər və valideynlər iştirak edirdi.
