Valideynlərlə görüş keçirildi
15 mart 2019-cu il tarixində Zaur Məmmədov adına tam orta məktəbdə məktəb rəhbərliyi ilə valideyinlərin görüşü keçirildi. Məktəbin direktoru Zemfira Məsiyeva dövlətin şagirdlərə və müəllimlərə əlverişli şərait yatmasından, məktəbdə təhsilin keyfiyyətinin artırılması üçün görülən işlərdən, keçirilmiş tədbirlərdən ətraflı məlumat verdi, qarşıda duran vəzifələrdən, görüləcək işlərdən danışdı. Valideynləri maraqlandıran suallara cavab verdi. Qarşılıqlı fikir mübadiləsi edildi, bir sıra məsələlər müzakirə olundu.
Sonra valideynlər məktəbi gəzərək məktəbdə yaradılmış şəraitlə tanış oldular. Məktəbin fənn kabinetlərinə, kompüter otaqlarına, tarix müzeyinə, laboratoriylarına, emalatxanlarına, hərbi hazırlıq otağına, tibb otağına baxdılar. Buradakı müasir avadanlıqlarla və texnika ilə maraqlandılar. Bunlar barədə valideynlərə ətraflı məlumatlar verildi.
Sonda valideynlər məktəbdə belə yüksək səviyyədə yaradılmış şəraitə görə Azərbaycan Respublikasının Prezidenti Cənab İlham Əliyevə, birinci vitse – prezident Mehriban xanım Əliyevaya, Təhsil Naziri Cənab Ceyhun Bayramova minnətdarlıqlarını bildirdilər. Məktəbdə nizam-intizamın yüksək olmasına, verilən təhsilin keyfiyyətli olmasına görə məktəbin direktoru Zemfira Məsiyevaya öz təşəkkürlərini bildirdilər.
