İbtidai sinif şagirdləri "Xocalı soyqırımı" abidəsini və Şəhidlər xiyabanını ziyarət etdilər
İbtidai siniflərin Xocalı soyqırımı ilə əlaqədar keçirdikləri tədbirdən sonra məktəbin ibtidai sinif müəllimələri Şəhla Xankişiyeva, Viktoriya Məmmədova, Vüsalə Namazova şagirdləri ilə birgə əvvəlcə Xocalı soyqırımı qurbanlarının xatirəsinə ucaldılmış "Ana harayı" heykəlini ziyarət etmiş, abidənin qarşısına tər qərənfillər qoyaraq Xocalı şəhidlərini yad etmişlər. Sonra da Şəhidlər xiyabanına ziyarət təşkil olunub.
Ziyarət zamanı məktəbin müəllimləri şagirdlərə 20 Yanvar faciəsi barədə geniş məlumat verib, bu qanlı hadisənin başvermə səbəblərindən və acı nəticələrindən danışıb. Vurğulanıb ki, Azərbaycanın müstəqilliyi, suverenliyi və azadlığı uğrunda şəhid olanların əziz xatirəsi qəlblərdə əbədi yaşayacaq.
Sonda müəllimlər və şagirdlər xalqımızın azadlığı uğrunda şəhid olan qəhrəman Vətən övladlarının xatirəsini yad edərək şəhidlərin məzarları üzərinə tər qərənfillər düzüblər.
