"Mahir nişançı" güllə atıcılığının şəhər mərhələsinin açılış mərasimi keçirildi
25 fevral 2019-cu il tarixində Zaur Məmmədov adına 171 nömrəli tam orta məktəbdə Bakı şəhər orta ümumtəhsil məktəblərinin şagirdləri arasında keçirilən 26 Fevral-Xocalı Soyqırımının iyirmi yeddinci ildönümünə həsr olunmuş “Mahir nişançı” güllə atıcılığının şəhər turunun açılış mərasimi keçirildi. Açılış mərasimində Aprel döyüşlərinin qazisi, Bakı şəhər Gənclər və İdman Baş İdarəsinin, Xətai rayon Gənclər və İdman İdarəsinin, Xocalı şəhər veteranları birliyinin nümayəndələri, valideynlər, qonaqlar, yarışda iştirak edəcək rayonların komandalarının rəhbərləri, üzvləri və şagirdlər iştirak edirdi.
Açılış mərasimində Xocalı soyqırımı haqqında ətraflı məlumat verildi, məktəbin şagirdləri Xocalı soyqırımına, vətənpərvərliyə həsr olunmuş şeirlər söylədilər, mahnılar oxudular. Məktəbin idmançı şagirdləri nümunəvi çıxışlar göstərdilər.
Açılış mərasimindən sonra qonaqlar Xocalı soyqırımı qurbanlarının xatirəsini əbədiləşdirmək məqsədilə ağaclar əkdilər.
