Ana dili günü ilə əlaqədar tədbir keçirildi
Ana dili gününə həsr olunmuş təqdimat keçirildi
20 fevral 2019-cu il tarixində Z.Məmmədov adına 171 nömrəli tam orta məktəbdə Azərbaycan dili və ədəbiyyatı müəllimi Həsənova Arifə tərəfindən 6 ç sinif şagirdlərinin iştirakı ilə Ana dili gününə həsr olunmuş təqdimat keçirildi. Təqdimat Xocalı faciəsinin 27-ci ildönümü ilə paralel şəkildə həyata keçirildi. Təqdimat məktəbin direktoru Zemfira Məsiyevanın Xocalı faciəsi qurbanlarının başına gələn faciələrin şagirdlərin diqqətinə çatdırılması və vətənin bir qarış torpağını düşmənə güzəştə getməmək kimi vətənpərvərlik tərbiyəsinin aşılanması və Ana dili saflığının qorunması, ana dilinə hörmət və məhəbbətin dərinləşdirməsi kimi dərin tərbiyəvi söhbətlərə toxunulması ilə başlandı. Daha sonra təqdimat şagirdlərin Xocalıya həsr olunmuş inşalarının püşk atmaq yolu ilə seçilməsi və oxunması formasında davam etdi. Bu təqdimat şagirdlərin özü tərəfindən də maraqla qarşılandı. Sonra şagirdlərin Ana dilinə və Xocalıya həsr olunmuş şeirləri səsləndirildi. Sonda xatirə şəkilləri çəkdirdi.
Tədbirdə məktəbin direktoru Zemfira Məsiyeva, təlim - tərbiyə işləri üzrə direktor müavini Sima Əhmədova, tərbiyə işləri üzrə direktor müavini Kənan İsmayılov və UBTR Günay Dəmirova iştirak edirdi.
