Məzunlar məktəblilərlə birgə mahnı oxudular
12 fevral 2019-cu il tarixində Zaur Məmmədov adına 171 nömrəli tam orta məktəbdə əvvəlki ilin məzunları ilə görüş keçirildi. Məzunlar əsaslı təmir olunmuş məktəbin fənn kabinetlərini, laboratoriyalarını, kompüter otaqlarını gəzdilər, sinif otaqları ilə tanış oldular. Dəhlizləri gəzərək burada yaradılmış guşələrlə maraqlandılar. “Açıq dərs”lərdə iştirak etdilər. Onlara dərs deyən müəllimlərlə səmimi görüşüb, mehriban danışdılar. Məktəb illərini yada salaraq ötən günlərini xatırladılar. Ali məktəbə qəbul olmalarında məktəb rəhbərliyinə, onlara dərs deyən müəllimlərə və təhsil aldıqları məktəbə borclu olduqlarını bildirdilər. İllər keçsədə məktəb illərini unutmayacaqlarını bildirilər. Əvvəlki ilin məzunları ilə məktəb şagirdləri birlikdə “Cənab leytenant” mahnısını ifa etdilər.
