Valideyin iclasları keçirildi
9 fevral 2019-cu il tarixində Zaur Məmmədov adına 171 nömrəli tam orta məktəbdə 2ç, 2d, 8ç və 11a sinif şagirdlərinin valideyn iclasları keçirildi. İclasda təlim tərbiyə işləri üzrə direktor müavini Sima Əhmədova, təlim tərbiyə işləri üzrə direktor müavini Nüşabə Bilalova, sinif rəhbərləri, fənn müəllimləri və valideynlər iştirak edirdilər. Valideyn iclasında 2018-2019-cu tədris ilinin birinci yarımilində şagirdlərin qiymətləri valideynlərə bildirildi, şagirdlərin bilik qiymətləri cədvəli ilə tanış olmaq və onları imzalamaq üçün valideynlərə paylanıldı. Məktəb rəhəbərliyi məktəbdə görülən işlər, ikinci yarım ildə qarşıda duran vəzifələr barədə ətraflı məlumat verdi. Fənn müəllimləri və sinif rəhbərləri hər bir şagird haqqında, onların təhsilə münasibəti, nizam-intizamları barədə məlumat verdilər. Şagirdlərin daha çox təhsilə marağını artırmaq üçün təvsiyələr verdilər. II yarımildə daha çox uğur qazanmaq üçün daha çox çalışmaq lazım olduğunu bildirdilər. Valideynləri maraqlandıran suallara ətraflı cavab verdilər. Digər cari məsələlər müzakirə olundu, fikir mübadiləsi edildi.
