“İstedadlar axtarışında" adı altında dəyirimi masa keçirildi
23 yanvar 2019-cu il tarixində Xətai rayonu Z. Məmmədov adına 171 nömrəli tam orta məktəbin Oxu zalında “İstedadlar axtarışında" adı altında dəyirmi masa keçirildi. Dəyirmi masada məktəb rəhbərliyi müəllim və şagirdlər iştirak etdilər. Dəyirmi masanın keçirilməsində məqsəd "İstedadlar axtarışında" adı altında həvəskar, bacarıqlı şagirdləri üzə çıxarmaq və onların yaradıcılıq qabiliyyətlərini düzgün istiqamətləndirməkdir. Bu gün dəyirmi masada məktəbin 9-cu sinif şagirdlərindən Kamilla Abdulkadırova 20 Yanvar şəhidlərin xatirəsinə həsr etdiyi şeir və Aytac İsmayılzadənin fəlsəfi düşüncələrini əks etdirən nəsr nümunəsi dinlənildi. Hamı tərəfindən dinlənilən və bəyənilən nümunələr ətrafında müzakirələr oldu. Müəllim və şagirdlər tərəfindən ünvanlanan suallara yaradıcı qızlar həvəslə cavab verdilər. Şagirdlərin təklifi ilə məktəbdə "Yaradıcı gənclər" dərnəyinin təşkili nəzərə alındı. Dərnəyin fəaliyyəti şagirdlərə həvalə olundu.
