20 yanvar faciəsinin 29-cu ildönümünə həsr olunmuş silsilə tədbirlər davam etdirilir
Zaur Məmmədov adına 171 nömrəli tam orta məktəbdə 20 Yanvar faciəsinin 29-cu ildönümünə həsr olunmuş silsilə tədbirlər davam etdirilir. Məktəbin fəaliyyət planına uyğun olaraq yanvar ayının 14-21 tarixlərində kecirilən növbəti tədbirlərdən biri də məktəbyanı ərazidə məktəbin məzunu, məktəbə adı verilən şəhid Zaur Məmmədovun, məzun-şəhid İlham Məmmədovun, məzun-şəhid Akif Məhərrəmovun xatirələrinə ucaldılmış abidənin qarşısına məktəb rəhbərliyinin, şagirdlərin iştirakı ilə gül kollarının əkilməsi oldu. Daha sonra iştirakçılar məktəbin foyesində şəhidlərin xatirəsinə həsr olunmuş guşənin qarşısına qərənfillər düzərək 20 yanvar faciəsi haqqında, şəhidlər haqqında öz fikirlərini söylədilər.
