“Şəhidlər ölməz, Vətən bölünməz” adlı “Açıq dərs” keçirildi
16 yanvar 2019-cu il tarixində Zaur Məmmədov adına 171 nömrəli tam orta məktəbin rus bölməsinin 8 “ç” sinfində Azərbaycanın qanlı səhifələrindən biri olan 20 Yanvar faciəsinə həsr olunmuş “Şəhidlər ölməz, Vətən bölünməz” adlı “Açıq dərs” keçirildi. “Açıq dərs”də məktəbin direktoru Zemfira Məsiyeva, təlim tərbiyə işləri üzrə direktor müavini Sima Əhmədova, sinif rəhbəri Rəna Əliyeva iştirak etdilər. “Açıq dərs”də Kamilla Abdulkadirova öz yazdığı şeiri, Məhəmməd Bayramov 20 Yanvar faciəsinə həsr olunmuş kədərli bayatını ürək ağrısı ilə qəhərlənərək söylədilər, İ. Cəmilə, Z. Ayla, B.Tural şeirlə çıxış etdilər. Bununla bərabər İ.Ayşə, Ə.Zəhra, Ş.Fidan xalqımızın qanlı səhifəsi olan bu hadisə haqqında məruzə ilə çıxış etdilər. Bu çıxışlarla yanaşı şagirdlər Ş.Əlizamanlının “İgid əsgər, möhkəm dayan” mahnısını səsələndirdilər. Sonda məktəbin direktoru Zemfira Məsiyeva 20 Yanvar faciəsi haqqında öz fikirlərini şagirdlərlə bölüşdü.
