SSRİ xalq artisti, akademik Qara Qarayevin 100 illik yubileyinə həsr olunmuş tədbir keçirildi
25 dekabr 2018-ci il tarixində Zaur Məmmədov adına 171 nömrəli tam orta məktəbdə dahi bəstəkar, SSRİ xalq artisti, akademik Qara Qarayevin anadan olmasının 100 illik yubileyinə həsr olunmuş tədbir keçirildi. İlk olaraq SSRİ xalq artisti, akademik Qara Qarayevin həyat və yaradıcılığı haqqında ətraflı məlumat verildi. Sonra SSRİ xalq artisti, akademik Qara Qarayevin baletləri, simfonik əsərləri, kinofilmlərə yazılmış musiqiləri və mahnıları səsləndirilib analiz edildi. Şagirdlər bəstəkar haqqında suallara cavab verməklə yanaşı, yazdıqları inşaları da danışdılar. SSRİ xalq artisti, akademik Qara Qarayevin “Yeddi gözəl” və “İldırımlı yollarla baleti” geniş müzakirə olundu. Tarix və ədəbiyyat fənnlərinə inteqrasiya edilib, həmin dövr haqqında məlumat verildi. Eyni zamanda “Bütün nəsillərin müasiri Qara Qarayev”, “Afrika yazıçısı Henri Abrahamsın əsəri Qara Qarayev yaradaıcılığında” başlığı altında divar qəzetləri təqdim olundu. Sonda isə şagirdlər dahi bəstəkarın “Gənclik nəğməsi” mahnısını canlı ifa etdilər. Tədbirin sonunda məktəbin direktoru Zemfira Məsiyeva çıxış edərək tədbir haqqında öz fikirlərini bildirdi.
Tədbirdə məktəbin direktoru Zemfira Məsiyeva, təlim tərbiyə işləri üzrə direktor müavini Sima Əhmədova, tarix fənni üzrə metodbirləşmə sədri Həcər Əlişova, riyaziyyat fənni üzrə metodbirləşmə sədri Gülnarə Məmmədova, riyaziyyat müəllimi Esmira Zeynalova, informatika müəllimi Kənan İsmayılov iştirak edirdi.
