Şagirdlərimiz nağıl müsabiqəsində qalib oldular
25 dekabr 2018-ci il tarixində 265 nömrəli tam orta məktəbdə Xətai rayon orta ümumtəhsil məktəblərinin ibtidai sinif şagirdləri arasında “Nağıl” müsabiqəsi keçirildi. Bu müsabiqədə Zaur Məmmədov adına 171 nömrəli tam orta məktəbin Rus bölməsinin 2 “d” sinif rəhbəri Natalya Şərifova, 2 “e” sinif rəhbəri Zülfiyyə İbrahimova, 2 “ç” sinif rəhbəri Elza Mirzəməhəmmədovanın şagirdləri çıxış etdilər. Müsabiqədə “Torpaq” nağılı Azərbaycan dilində 15 dəqiqə ərzində 10 nəfər şagirdlə nümayiş olundu. Baxmayaraq ki, Rus bölməsinin şagirdləri çıxış edirdi, nağılı Azərbaycan dilində böyük məharətlə təqdim etdilər. “Torpaq” nağılı vətənpərvərlik ruhunda idi və bildirildi ki, vətəndən və torpağımızdan daha önəmli heçnə yoxdur. Şagirdlər milli geyimlərdə rəqs etdilər və nağılda olan personajları böyük aktyorluq bacarığı ilə mükəmməl səviyyyədə ifa etdilər. Müsabiqənin sonunda şagirdlərimiz yüksək balla qiymətləndirillərək birinci yerə layiq görüldülər və diplomla təltif olundular.
