“Mən həyatı seçirəm, bəs sən?!”
Məktəbin fəaliyyət planına uyğun olaraq bəşəriyyətin qlobal probleminə çevrilmiş və hər bir gəncin potensial namizəd olduğu zərərli vərdişlərdən qorunmasının yolları haqqında təbliğatın aparılması və şagirdlərin maarifləndirilməsi məqsədilə 13 dekabr 2018-ci il tarixində Z.Məmmədov adına 171 nömrəli tam orta məktəbdə Xətai rayon Polis İdarəsinin rəhbərliyinin təşkilatçılığı ilə “Mən həyatı seçirəm, bəs sən?” adlı tədbir keçirildi. Tədbirdə Xətai rayon Polis İdarəsinin rəisi, polis polkovniki Muradəli Babayev, Xətai rayon Polis İdarəsinin şəxsi heyətlə iş üzrə köməkçisi, polis polkovnik leytenantı İdris Məhərrəmov, Xətai RPİ-nin Dövlət yol Polisi Şöbəsinn inspektoru polis mayoru Fərid Əhədov , məktəb rəhbərliyi, müəllimlər və VIII, IX, X, XI sinif şagirdləri iştirak etdilər. Çıxış edən əməkşlar bildirdilər ki,müasir dövrün və bir neçə əsrin bəlası olan, “ağ ölüm “ adlandırılan narkomaniya birbaşa intihar halı olmasa da , onun insanları tədricən məhv etdiyini, ölümə sürüklədiyi inkaredilməzdir. Onlar real həyatda baş verən hadisələrdən şagirdlərə məlumatlar verdilər. Narkomaniya haqqında dolğun məlumat alan şagirdlər polis əməkdaşlarına ünvanladıqları suallara ətraflı cavab aldılar. Tədbirin sonunda hazırlanmış bir neçə video çarx şagirdlərə nümayış etdirildi. Məktəbin akt zalında keçirilən tədbirdən sonra qonaqlar 6 dekabr 2018-ci il tarixindən məktəbdə başlanmış ağacəkmə kampaniyasını davam etdirmək məqsədilə məktəb ərazisində şam və küknar ağacları əkdilər.
