Qafqaz Universitetinə ekskursiya təşkil olundu
Bakı Şəhəri Üzrə Təhsil İdarəsinin 15.10.2015-ci il tarixili 7129-03/06 №-li məktubuna müvafiq olaraq 11.02.2016-cı il tarixində Zaur Məmmədov adına 171 saylı tam orta məktəbin yuxarı sinif şagirdlərinin Qafqaz Universitetinə ekskursiyası təşkil olunmuşdur. Məqsəd yuxarı sinif şagirdlərinin Universitet həyatı ilə yaxından tanış etmək, onların Pedaqoji ixtisaslara marağını artırmaq olmuşdur. Ekskursiyaya IX, X siniflərindən 52 şagird cəlb olunmuşdur. Şagirdlər Qafqaz Universitetinin müxtəlif fənn kabinetləri, kompüter laboratoriyaları, kitabxanası və texnoparkı ilə yaxından tanış oldular. Qafqaz Universitetinin əməkdaşları Universitet barədə şagirdlərə ətraflı məlumat verdilər və şagirdləri maraqlandıran suallara cavab verdilər. Ekskursiya şagirdlərdə böyük marağa səbəb oldu.
