“Bioloji müxtəliflik” mövzusunda seminar keçirildi
30 noyabr 2018-ci il tarixində Xətai rayonu Z.Məmmədov adına 171 nömrəli tam orta məktəbdə “Bioloji müxtəliflik” mövzusunda seminar keçirildi. Seminarıda UBTR Günay Dəmirova, biologiya müəllimi Təranə Alışova və qonaq qismində coğrafiya müəllimi Afət Osmanova, informatika müəllimi Kənan İsmayılov, musiqi müəllimi Xanım Qasımova, laborant Aysel Rüstəmova iştirak edirdi.
Seminarda nitq söyləyən biologiya müəllimi Təranə Alışova nitqinə “Bioloji müxtəliflik-yer üzərində bütün canlıların mikroorqanizm, bitki və heyvanların müxtəlifliyi deməkdir” sözləri ilə başladı. Daha sonra nitqini “Azərbaycan Respublikasının "Qırmızı kitabı"na 140 nadir və nəsli kəsilmək təhlükəsi olan bitki növü daxil edilmişdir. Bütün dünyada vəhşi təbiətin qorunması və öyrənilməsində xüsusi mühafizə olunan təbiət ərazilərinin inkişaf etdirilməsi ekosistemin qorunub saxlanılmasında mühüm rol oynayır. Məhz, xüsusi mühafizə olunan təbiət ərazilərinin fəaliyyəti nəticəsində nadir və nəsli kəsilməkdə olan fauna və flora növlərinin qorunub saxlanılmasına imkan yaranmışdır” sözləri ilə davam etdirdi. Sonda həm bitkilər həm də heyvanlar üçün bioloji müxtəliflik haqqında video çarx izlənildi.
