“Bayrağımız ürəyimizdir” mövzusunda divar qəzetləri hazırlandı
9 Noyabr Bayraq Günü münasibətilə Xətai rayonu Z.Məmmədov adına 171 nömrəli tam orta məktəbdə divar qəzetləri hazırlanaraq məktəbin ictimai guşələrindən asıldı. Şagirdlər divar qəzetlərinin hazırlanmasında aktivlik nümayiş etdirdilər. Hər sinfin şagirdləri öz divar qəzetlərinin daha məzmunlu və rəngarəng hazırlanmasına çalışmışdı. Bu qəzetlərin hazırlanmasında məqsəd şagirdləri Azərbaycan bayrağının yaranması tarixi haqqında məlumatlarla silahlandırmaq, onları öz fikirləri ilə ifadə etməyə alışdırmaqdır və həmçinin şagirdlərdə vətənpərvərlik hisslərinin aşılanması, onları dövlət rəmzlərinə hörmət ruhunda tərbiyələndirməkdir.
