“Mənim bayrağım” mövzusunda tədbir keçirildi
8 noyabr 2018-ci il tarixində Xətai rayonu Z.Məmmədov adına 171 nömrəli tam orta məktəbdə Azərbaycan Respublikasının Dövlət Bayrağının 100 illik yubileyinə həsr olunmuş “Mənim bayrağım” mövzusunda tədbir keçirildi. Tədbirdə məktəbin direktoru Z.B.Məsiyeva, qonaq qismində mentor Gülnarə İslamova, direktor müavinləri, məktəbin pedaqoji heyəti, şagirdlər və valideynlər iştirak edirdi. Tədbir Azərbaycan Respublikası Dövlət Himninin səslənməsi ilə başladı. Sonra aparıcı-7b sinif şagirdi İmamverdiyeva Leylanın Azərbaycan Respublikası Dövlət bayrağının tarixi haqqında qısa nitqi ilə davam etdi. Daha sonra nitqin davamı kimi bayrağımızın tarixi haqqında video çarxa baxıldı. Tədbir 5-ci siniflərin Azərbaycana həsr olunmuş musiqinin ifası ilə davam etdi. Daha sonra 5-ci və 8-ci sinif şagirdləri Yusifzadə Aysu və Məmmədov Ağasəf bayrağa həsr olunmuş şeirlər söylədilər. Şagirdlərimizin ifasında bayram tədbirinə həsr olunmuş rəqs nümayiş etdirildi. Daha sonra söylənən şeirlərin davamı olaraq 8ç sinif şagirdləri Bağırov Turalın və Abdulkadırova Kamillanın bayrağımıza həsr etdiyi özünün yazdığı şeiri səsləndirildi. Həmin sinfin şagirdlərinin bayraq gününə özəl hazırladıqları flaşmob şou göstərildi. Sonra 5d sinif şagirdlərinin ifasında mahnı səsləndirildi. Sonda Xətai rayonu Z.Məmmədov adına 171 nömrəli tam orta məktəbin direktoru Zemfira Məsiyevaya söz verildi.
“Müstəqilliyimiz şagirdlərin gözü ilə” rəsm müsabiqəsi və “Tarixi şəxsiyyətlərimiz” mövzusunda “Ən yaxşı təqdimat” müsabiqəsində fərqlənən şagirdlər məktəb rəhbərliyi tərəfindən diplom və fəxri fərmanlarla təltif olundular.
