“Müstəqilliyimiz əbədidir” adlı tədbir keçirildi
18 oktyabr 2018-ci il tarixində Azərbaycan Respublikasının müstəqilliyinin 27-ci il dönümünə həsr olunmuş “Müstəqilliyimiz əbədidir” adlı tədbir keçirildi. Tədbir Azərbaycan Respublikasının Dövlət Himninin oxunması ilə başlandı. Tədbir 7 b sinif şagirdi İmamverdiyeva Leylanın müstəqilliyimizin tarixi haqqında məlumat verməsi ilə davam etdi. 6 ç sinif şagirdlərinin ifasında müstəqilliyimizə həsr olunmuş mahnılar səsləndi. Məktəbin 5, 7, 8-ci sinif şagirdləri Yusifzadə Aysu, Bağırova Nigar, Əhmədova Nigar, Quluzadə Nihan müstəqilliyimizə həsr olunmuş şeirlər səsləndirdilər. Daha sonra müstəqilliyimizə həsr olunmuş video çarx tədbir iştirakçılarına nümayiş etdirildi. Sonda məktəbin tarix müəllimi Ülvi Quliyev məruzə ilə çıxış edərək AXC dövrü ilə müasir dövr arasındakı əlaqələr haqqında, AXC-nin yaranmasının Azərbaycan tarixinə nə kimi töhfələr verdiyini, müstəqilliyin yenidən bərpa olunmasında önəmli yer tutduğunu bildirdi. O, öz çıxışında bu gün Müstəqil Azərbaycan Respublikasının dünyada söz sahibi olduğunu vurğuladı.
Tədbirdə məktəbin direktoru Zemfira Məsiyeva, müəllimlər, şagirdlər və valideynlər iştirak edirdi.
