“Əziz müəllimimiz” adlı bayram tədbiri keçirildi
5 oktyabr 2018-ci il tarixində Zaur Məmmədov adına 171 nömrəli tam orta məktəbdə 5 oktyabr Beynəlxalq Müəllimlər Günü münasibətilə “Əziz müəllimimiz” adlı bayram tədbiri keçirildi. İlk olaraq məktəbin direktoru Zemfira Məsiyeva çıxış edərək müəllimləri peşə bayramı münasibətilə təbrik etdi. Onlara can sağlığı və bu şərəfli peşələrində uğurlar arzuladı.
Məktəbin tərbiyə işləri üzrə direktor müavini Sima Əhmədova və tarix fənni üzrə metodbirləşmə sədri Həcər Əlişova, fizika fənni üzrə metodbirləşmə sədri Elminaz Nuriyeva çıxış edərək müəllimləri təbrik etdilər.
Məktəbin Azərbaycan dili və ədəbiyyat müəllimi Nərminə Şirinova müəllimləri təbrik etdi və müəllimlərə həsr olunmuş şeir söylədi.
Bayram tədbiri şagirdlərin ifasında mahnı, rəqs nömrəli ilə davam etdi.
Tədbirdə şagirdlər, müəllimlər, valideynlər və digər qonaqlar iştirak edirdi.
