Məzunlarımız “Gələcəyə doğru” məzun gecəsində iştirak etdilər
14 iyun 2018-ci il tarixində Azərbaycan Respublikası Təhsil Nazirliyinin təşkilatçılığı ilə Bakı Konqres Mərkəzində “Gələcəyə doğru” adlı məzun gecəsi keçirildi. “Gələcəyə doğru” adlı məzun gecəsi ilk olaraq Azərbaycan Respublikasının Dövlət Himinin oxunması ilə başladı. Azərbaycan Respublikasının birinci vitse-prezidenti Mehriban xanım Əliyevanın məzunlara təbrik məktubu oxundu. Azərbaycan Respublikasının Təhsil Naziri Ceyhun Bayramov çıxış etdi. O, məzunları məktəbi bitirib, müstəqil həyata qədəm qoymaları münasibətilə təbrik etdi və uğurlar arzuladı. Azərbaycan Respublikasının Gənclər və İdman naziri Azad Rəhimov məzunları təbrik etdi.
Azərbaycanda təhsilin inkişafını əks etdirən videoçarx nümayiş olundu.
“Gələcəyə doğru” məzun gecəsinin rəsmi hissəsindən sonra Azərbaycan Respublikasının tanınmış estrada ulduzlarının ifaları ilə davam etdi.
“Gələcəyə doğru” məzun gecəsində Zaur Məmmədov adına 171 nömrəli tam orta məktəbin 6 nəfər məzunu və informatika müəllimi Kənan İsmayılov iştirak etdi.
