Şagirdlərimiz Bakı məktəblilərinin I Forumunda iştirak etdilər
İyunun 12-də Bakı Şəhəri üzrə Təhsil İdarəsinin (BŞTİ) təşkilatçılığı ilə Bakı məktəblilərinin I Forumu keçirilib. Forumda Zaur Məmmədov adına 171 nömrəli tam orta məktəbin IX sinif şagirdləri Küləkçi Xəlil Nihat oğlu və Mirzəyeva Nigar Yamil qızı iştirak edirdilər. Forumda Bakı Şəhəri üzrə məktəblərdən seçilmiş istedadlı şagirdlərin çıxışları təqdim olundu. Hər çıxış edən şagird haqqında göstərilən videoçarx alqışlarla qarşılandı.
Bakı məktəblilərinin I Forumunda şagirdlərin ifasında zəngin ədəbi-bədii kompozisiyalar nümayiş etrilib, mahnılar və rəqslər ifa olunub.
Formun sonunda çıxış edən BŞTİ-nin müdiri Məhəbbət Vəliyeva istedadlı şagirdlərin vaxtında aşkara çıxarılması, onların həvəsləndirilməsi, yaradıcılığa və elmə maraqlarının artırılması, nəzəri və təcrübi biliklərinin təkmilləşdirilməsi, şagirdlərin məntiqi biliklərinin möhkəmləndirilməsi, onlara beynəlxalq və yerli olimpiadalarda iştirak təcrübəsinin qazanılması baxımından son illərdə əldə olunmuş nailiyyətlərdən bəhs edib, onlara gələcək işlərində uğurlar arzulayıb. Sonda Forum iştirakçılarının Azərbaycan Respublikası Təhsil Naziri Ceyhun Bayramova müraciəti oxundu.
