“Əlifba bayramı” keçirildi
“Əlifba bayramı” hər bir uşağın həyatında əlamətdar bir hadisədir. 30 may 2018-ci il tarixində Zaur Məmmədov adına 171 nömrəli tam orta məktəbin rus bölməsinin 1 “e” sinfi sinif rəhbəri Zülfiyyə İbrahimovanın və şagirdlərin təşkilatçılığı ilə “Əlifba bayramı”nı qeyd etdilər. Tədbirdə məktəbin direktoru, müəllimlər, valideynlər iştirak edirdi. Keçirilən tədbirdə şagirdlər həm istedadlarını, həm də bir ildə qazandıqları bacarıqlarını nümayiş etdirdilər. “Cunqa-cunqa”, “Xafa nana”, “Buratino”, “İspan” və ginmastika rəqsləri, mahni və şeirləri tədbirə rəngarənglik qatdı. “Turp” və s. nağılları səhnələşdirərək bir – birini əvəz edirdi. Tədbirin sonunda şagirdlərə diplom təqdim olundu.
Tədbirdə məktəbin direktoru Zemfira Məsiyeva çıxış edərək uşaqları “Əlifba bayramı” münasibətilə, 28 May – Respublika Günü, həmçinin 1 İyun Uşaqların Müdafiəsi Günü münasibətilə təbrik edərək onlara xoş gün, sağlam, firəvan həyat, Vətəni, torpağı, xalqımızı, dilimizi, tariximizi öyrənməyi və onları sevməyi arzuladı.
