1 İyun Uşaqların Beynəlxalq Müdafiəsi Günü ilə əlaqədar olaraq tədbir keçirildi
1 iyun 2018-ci il tarixində Zaur Məmmədov adına 171 nömrəli tam orta məktəbdə 1 İyun Uşaqların Beynəlxalq Müdafiəsi Günü ilə əlaqədar tədbir keçirildi. Tədbiri giriş sözü ilə Zemfira Məsiyeva açdı. Məktəbin təşkilatı işlər üzrə direktor müavini Sima Əhmədova, tarix fənni üzrə metodbirləşmə sədri Həcər Əlişova, ibtidai siniflər üzrə metodbirləşmə sədri Nüşabə Bilalova, məktəbin hərbi rəhbəri Azər Xankişiyev çıxış etdilər və uşaqları bayram münasibətilə təbrik etdilər.
Sonra şagirdlər asfalt üzərində rəsm çəkdilər, mahnı oxudular, rəqs etdilər, müxtəlif idman növlərinə aid nömrələrlə çıxış etdilər. Tədbir iştirakçıları Azərbaycan Respublikasının Dövlət Himnini səsləndirdilər. Uşaqlar sülh rəmzi olan göyərçinləri mavi səmaya uçurdular. Müxtəlif rəngli şarları havaya buraxdılar. Tədbirin sonunda fərqlənən şagirdlər fəxri fərmanla təltif olundular.
Tədbirdə müəllimlər, şagirdlər, valideynlər və digər qonaqlar iştirak edirdi. Tədbir hər kəs tərəfindən alqışlarla qarşılandı, hər kəsdə xoş təəssürat yaratdı.
