Görüş keçirildi
21 may 2018-ci il tarixində Xətai rayonu Zaur Məmmədov adına 171 nömrəli tam orta məktəbə 5 nömrəli Bakı Peşə Liseyindən nümayəndə gəlmişdi. Gülnarə müəllimə UBR Günay Dəmirovanın bələdçiliyi altında 9, 10, 11 – ci siniflərə daxil olaraq peşəyönümü, şagirdlərin peşə seçiminin düzgün istiqamətləndirilməsi yönümündə söhbətlər apardı. Sonra şagirdlərə 5 nömrəli Bakı peşə liseyinin fəaliyyəti, liseydə tədris edilən peşələr haqqında ətraflı məlumat verdi. Gülnarə müəllimə liseydə bərbər, qənnadı, turizm, proqramist, barmen, aşbaz, dərzi və s. peşələrin olduğunu qeyd etdi. Həmçinin tədrisin 2 hissədən - nəzəri və praktikadan ibarət olduğunu və praktikanın məktəbin özünün təşkil etdiyini vurğuladı. 9 illik ümumi orta təhsil bazasından gələn şagirdlərə tədrisin sonunda həm 9-cu həm də 11-ci sinfin attestatının verildiyini və şagirdlərin 80%-nin işlə təmin edilmə şansının olduğunu söylədi. Dərslərin kurikulumun, müasir təlim metodlarının, İKT-nin tələbələrinə uyğun şəkildə keçirildiyini şagirdlərin diqqətinə çatdırdı.
