Tədbir keçirildi
8 may 2018-ci il tarixində Zaur Məmmədov adına 171 nömrəli tam orta məktəbdə Aidə Nəsibova sinif rəhbəri olduğu 4 “ç” sinif şagirdləri ilə birlikdə “Daim qələbəyə doğru” adlı tədbir keçirdi. Tədbirdə 3 məqam əhatə olundu. 9 May Qələbə Günü ilə başladı. Burada 9 May Qələbə Günü ilə bağlı “Katyuşa” adlı mahnı və səhnəcik nümayiş olundu. “Üzümlər” rəqsi ilə Qələbə Günü qeyd edildi.
Sonra may ayının 8-i Şuşa şəhərinin ermənilər tərəfindən işğalı qeyd olundu, şagirdlər tərəfindən məlumat verildi. Şuşa haqqında videoçarx nümayiş etdirildi. Şagirdlər tərəfindən Vətən haqqında şeirlər səsləndi. Vətənpərvərlik haqqında mahnılar ifa olundu.
Ümummilli Lider Heydər Əliyevin adnan olmasının 95 illik yubileyi ilə əlaqədar olaraq şagirdlər Ulu öndər Heydər Əliyevlə bağlı şeir çələngi təqdim etdilər. Ümummilli Lider Heydər Əliyevin həyat və şərəfli ömür yoluna həsr olunmuş videoçarx nümayiş olundu. Şagirdlər “Xalq Heydər söyləyəcək” adlı mahnı ifa etdilər.
