9 May Qələbə Günü ilə əlaqədar tədbir keçirildi
4 may 2018-ci il tarixində Zaur Məmmədov adına 171 nömrəli tam orta məktəbdə 9 May faşizm üzərində qələbənin 73 – cü ildönümünə həsr olunmuş tədbir keçirildi. Tədbirdə şagirdlər Böyük Vətən müharibəsi haqqında ətraflı məlumat verdilər. Müharibədə qələbənin əldə olunmasında Azərbycan oğul və qızlarının göstərdikləri rəşadətindən danışdılar, şeirlər söylədilər, mahnılar oxudular, rəqs etdilər. “Uzaq sahillərdə” bədii filmindən səhnəcik nümayiş etdirdilər. Məktəbin direktoru Zemfira Məsiyeva Böyük Vətən müharibəsi haqqında, müharibənin ağır nəticələri barədə ətraflı çıxış etdi. Bakı neftinin qələbəyə verdiyi töhfədən söz açdı. Tədbirdə məktəb rəhbərliyi, müəllimlər, şagirdlər, valideynlər, müharibə veteranları və digər qonaqlar iştirak edirdilər. Tədbirin sonunda məktəbin həyətində şagirdlər qələbənin 73 – cü ildönümü münasibətilə 73 ədəd şarı havaya buraxdılar.
