Nənəm nağıl danışır
Söyüdün yarpaqları yaşıl
Göydə ulduzlar sayrışır
Adamın ağlı çaşır
Nənəm nağıl danışır.
“Oxu günü” ilə əlaqədar olaraq 20 aprel 2018-ci il tarixində Zaur Məmmədov adına 171 nömrəli tam orta məktəbin 1 “b” sinfində sinif rəhbəri Lamiyə Qasımova və şagirdləri birlikdə nağıllar aləminə səyahət etmişdilər. Proqramdakı “Umumiləşdirici tapşırıqlar” mövzusuna uyğun olaraq dərs qeyri-adiliyi ilə fərqləndi. Belə ki, müəllim nənə obrazına girərək şagirdlərinə - nəvələrinə “Qoğal” nağılını oxudu. Nənə nağıl oxuduqca uşaqlara suallar verir, müxtəlif və maraqlı cavablar alırdı. Dekorasiya elə qurulmuşdur ki, doğrudan da bir kənd evini – nənənin otağını xatırladırdı. Daha sonra şagirdlər nağılı səhnələşdirdilər.
