“Şahinlər” komandası rayon turunda iştirak etdi
14 aprel 2018-ci il tarixində Heydər Əliyev adına Azərbaycan Ali Hərbi Məktəbində Xətai rayonu ümümtəhsil məktəbləri arasında “Şahinlər” hərbi-idman oyunlarının rayon turu keçirildi. Yarışda Xətai rayonunun 37 məktəb və litseyləri iştirak etdi. Burada iştirakçılar AK-nın yığılıb-sökülməsi, darağa patronun yığılıb-boşaldılması, sanitarların yarışı, yaralının zəhərli zonadan çıxarılması, mülki müdafiə üzrə mərhələdə əlehqazın geyinilməsi, zəhərli zonanın dəf edilməsi, fiziki hazırlıq üzrə turnikdə dartınma, 100 m məsafəyə qaçış və digər mərhələlər üzrə mübarizə aparmışlar. Bu yarışda Zaur Məmmədov adına 171 nömrəli tam orta məktəbin “Şahinlər” komandası iştirak etdi. “Şahinlər” komandası 10 oğlan və 4 qız olmaqla 8-10-cu sinif şagirdlərindən ibarət idi. 14 nəfərdən ancaq qızlardan ibarət bir dəstə də yarışa cəlb edilmişdir. Komandaların nəticələri 17 apreldə elan ediləcək. Qalib komanda şəhər turunda iştirak edəcək.
