“Lütfi Zadə adına Məktəblilərarası III Məntiq Olimpiadası”nın ilk turu məktəb rəhbərliyinin nəzarəti altında təşkil olundu
14 aprel 2018-ci il tarixində Zaur Məmmədov adına 171 nömrəli tam orta məktəbdə “Lütfi Zadə adına Məktəblilərarası III Məntiq Olimpiadası”nın ilk turu məktəb rəhbərliyinin nəzarəti altında təşkil olundu. Olimpiadanın ilk turunda iştirak edəcək şagirdlərin sayı qədər sual kitabçaları çap edildi və imtahan günü şagirdlərə paylanıldı. Olimpiadanın ilk turuna nəzarət edəcək məsul şəxslər (nəzarətçilər) məktəb direktoru tərəfindən müəyyən edildi və müvafiq təlimatlar verildi. Olimpiada Azərbaycan və Rus bölməsi üzrə keçirildi. Olimpiada sualları 2 variantda şagirdlərə təqdim olundu. Sualların eyni olduğunu nəzərə alaraq şagirdlər partalarda tək-tək oturdular. Olimpiadanın ilk turu saat 10:00-da başlandı və 11:30-da bitdi. Olimpiadanın ilk turu bitdikdən sonra sual kitabçaları şagirdlərdən yığıldı.
