İngilis dili fənnindən “Açıq dərs” keçirildi
13 aprel 2018-ci il tarixində Zaur Məmmədov adına 171 nömrəli tam orta məktəbin ingilis dili müəllimi və metodbirləşmə sədri Mehriban Saqıqova rus bölməsinin 8 “d” sinfində “Movies in our life” (“Filmlər bizim həyatımızda”) mövzusunda “Açıq dərs” verdi. Dərs müasir təlim və texnologiyalar əsasında qurulmuşdu. Sinifdə şagirdlər “Titanic”, “Arshin mal alan”, “Home alone”, “Alma almaya bənzər” filmlərinin adı altında 4 qrupa bölündü. Dərs zamanı şagirdlərə filmlərdən fraqmentlər göstərildi, filmlərin hansı janrda olduğu müzakirə olundu. Qrup işlərində şagirdlər fəal iştirak etdilər. Hər qrup təmsil etdiyi film haqqında təqdimat hazırlamışdı. Şagirdlərin ifasında filmlərdən səhnəciklər nümayiş olundu. Şagirdlər qrup işlərini yüksək səviyyədə təqdim etdilər. Dərsdə tələb olunan standartlara uyğun müəllim tərəfindən müxtəlif meyarlarda qiymətləndirmə aparıldı.
“Açıq dərsdə” məktəbin direktoru Zemfira Məsiyeva, ingilis dili və digər fənn müəllimləri iştirak edirdi. “Açıq dərs”dən sonra məktəb direktorunun və müəllimlərin iştirakı ilə dərsin müzakirəsi aparıldı.
