“Aprel döyüşləri tariximizin şanlı qələbəsidir” adlı tədbir keçirildi
04 aprel 2018-ci il tarixində Zaur Məmmədov adına 171 nömrəli tam orta məktəbin kiçik akt zalında 2016-cı ilin aprel döyüşlərinə həsr olunmuş “Aprel döyüşləri tariximizin şanlı qələbəsidir” adlı tədbir keçirildi.
Tədbir Azərbaycan Respublikasının Dövlət Himnin oxunması ilə başladı. Tədbiri açıq elan edən məktəbin hərbi rəhbəri Azər Xankişiyev çıxış üçün sözü məktəbin direktoru Zemfira Məsiyevaya verdi. Aprel döyüşləri haqqında çıxış edən məktəbin direktoru Zemfira Məsiyeva üçrəngli bayrağımızın işğal olunan torpaqlarda dalğalanacağı günün uzaqda olmadığını dildirdi. Məktəbin hərbi rəhbəri Azər Xankişiyev aprel döyüşləri haqqında ətraflı məlumat verdi, Şanlı Azərbaycan Ordusunun qazandığı qələbədən danışdı. Tədbirdə Azərbaycan ordusuna aid, Aprel döyüşlərinə aid, Cocuq Mərcanlıya aid, Azərbaycan Respublikasının Prezidendi Silahlı Qüvvələrin Baş komandanı İlham Əliyevin Lələ təpə yüksəkliyinə səfər etməsini əks etdirən videoçarxlar nümayiş olundu. Tədbirdə şagirdlər və müəllimlər iştirak edirdi. Tədbir şagirdlər və müəllimlər tərəfindən rəğbətlə qarşılandı.
