“Aprel döyüşləri” ilə bağlı dəyirimi masa keçirildi
4 aprel 2018-ci il tarixində Zaur Məmmədov adına 171 nömrəli tam orta məktəbin 3 “a” və 3 “c” siniflərində “Aprel döyüşləri” ilə bağlı dəyirimi masa keçirildi. Tədbirdə şagirdlər təqdimatlar, şeirlər və mahnılar səsləndirdilər. Şagirdlər Vətənə məhəbbət, ölməz şəhidlərimizin ruhuna hörmət və sevgilərini “Torpağın səsi” mahnısı ilə bildirdilər. Şagirdlər öz çıxışlarında qeyd etdilər ki, dörd günlük döyüşdə nə qədər şəhid versək də istəyimizə nail olduq. Bu zaman Lələ təpə yüksəkliyi azad edildi. Biz əminik ki, tezliklə digər işğal olunmuş torpaqlarımızı ermənilərin əlindən alıb, üçrəngli bayrağımızı Şuşada, Laçında və digər işğal olunmuş ərazilərimizdə dalğalandıracağıq. Tədbirin təşkilatçısı 3 “a” sinif rəhbəri Məhəbbət Xudiyeva və 3 “c” sinif rəhbəri Rəmziyyə Həbilova idilər.
