“Təbiətin bayramı” mövzusunda “Açıq dərs” keçirildi
14 mart 2018 - ci ildə Zaur Məmmədov adına 171 nömrəli tam orta məktəbin 1 b sinfində Lamiyə Qasımova təsviri incəsənət fənnindən “Təbiətin bayramı” mövzusunda “Açıq dərs” verdi. Dərs müasir təlimin tələblərinə uyğun keçirilmiş, dərsin bütün mərhələləri incəliklə gözlənilmişdir. Şagirdlər dərsdə fəallıq nümayiş etdirmiş, qruplara bölünərək yüksək əməkdaşlıq göstərmişlər. “Təbiətin bayramı” mövzusunda müxtəlif şəkillər çəkilmiş, Novruz atributları əlvan rənglərlə, naxışlarla bəzənmişdir. Milli bayramımızın adət - ənənələri, bahar fəslində təbiətdə və insanların həyatında baş verən dəyişikliklər haqqında maraqlı məlumatlar səslənmişdir. Şagirdlər məqsəddən çıxan meyarlarla qiymətləndirilmiş, dərsin mərhələlərinə uyğun müxtəlif nominasiyalarla rəğbətlənmişlər.
“Açıq dərs”də məktəbin direktoru Zemfira Məsiyeva, ibtidai siniflər üzrə metodbirləşmə sədri Nüşabə Bilalova, Təhsildə İnnovativ Texnologiyaların Tətbiqi üzrə mentor Gülnarə İslamova iştirak edirdi.
