“Şahinlər” hərbi-idman oyunları yarışı keçirildi
15-16 mart 2018-ci il tarixlərində Zaur Məmmədov adına 171 nömrəli tam orta məktəbdə “Şahinlər” hərbi – idman yarışı keçirildi. Yarışda VIII-X siniflər üzrə 8 sinif iştirak edirdi. Yarışda komandalar həm fiziki, həm də sıra təlimi üzrə mərhələlərdə öz güclərini sınadılar. “Şahinlər” hərbi – idman oyununun keçirilməsində məqsəd böyüməkdə olan nəslin hərbi vətənpərvərlik tərbiyəsinə diqqət və qayğını daha da artırmaq, məktəb şagirdlərini hərbi-idman oyunlarına geniş cəlb etməklə onların ordu sıralarında xidmətə hazırlanmasına kömək göstərilməsindən ibarətdir. Nəticələr komissiya tərəfindən elan ediləcək.
