Rus və ingilis dillərində “Xocalı soyqırımını unutma!” adlı ədəbi-bədii gecə keçirildi
16 fevral 2018-ci il tarixində Zaur Məmmədov adına 171 nömrəli tam orta məktəbdə Xocalı soyqırımının 26-ci ildönümünə həsr olunmuş “Xocalı soyqırımını unutma!” adlı rus və ingilis dillərində ədəbi-bədii gecə keçirildi. Məktəbin ingilis dili müəllimi Sevinc Əbilovanın təşkilatçılığı və 6 d sinif şagirdlərinin çıxışları ilə hazırlanmış gecədə məktəbin rus bölməsinin 5, 6, 7 – ci sinif şagirdləri iştirak etdilər. Şagirdlər rus və ingilis dillərində Xocalı soyqırımına həsr olunmuş məruzələrlə çıxış etdilər, şeirlər söylədilər. Məktəbin 9ç sinif şagirdi Əli Alxazovun hazırladığı Xocalı soyqırmına həsr olunmuş videoçarx nümayiş olundu. 6 d sinif şagirdi Elmira Ağayeva və 7 d sinif şagirdi Fatimə Ansarinin ifasında ingilis dilində “Sarı gəlin” mahnısı səsləndirildi.
Sonda məktəbin direktoru Zemfira Məsiyeva şagirdlərə Xocalı soyqırımı haqqında ətraflı məlumat verdi, Azərbaycanda baş verən qanlı faciələri unutmamağı tövsiyyə etdi.
