“Şəhidlər Ölməz, Vətən Bölünməz” layihəsi çərçivəsində vətənpərvərlik mövzusunda təlim keçirildi
23 dekabr 2017-ci il tarixində Zaur Məmmədov adına 171 nömrəli tam orta məktəbin kiçik akt zalında Azərbaycan Respublikası Prezidenti yanında Gənclər Fondunun X qrant müsabiqəsinin qalib olmuş “Şəhidlər Ölməz, Vətən Bölünməz” layihəsi çərçivəsində vətənpərvərlik mövzusunda təlim keçirildi. Layihə rəhbəri İsmayıl Cəmilli bildirdi ki, layihənin keçirilməsində əsas məqsəd Azərbaycan Respublikasının ərazi bütövlüyünün toxunulmaz olduğunu, işğal altında olan torpaqlarımızın, Vətən uğrunda şəhid olmuş oğul və qızlarımız, eyni zamanda milli qəhrəmanlarımız haqqında məlumatların yaddaşlardan silinməməsi və gələcək nəsillərə ötürülməsidir.
Məktəbin məzun şəhidləri haqqında ətraflı məlumat verildi.
Təlimdə məktəbimizin şəhid ailələrindən olan müəllimləri və məktəbin şagirdləri iştirak edirdilər.
