“Bayraq günü”nə həsr olunmuş yürüş
2017-2018-ci tədris ilində Xətai rayonu Zaur Məmmədov adına 171 nömrəli tam orta məktəbdə “ Bayraq Günü”nə həsr olunmuş silsilə tədbirlər həyata keçirilib. 08 noyabr 2017-ci il tarixində ilk öncə məktəbin 40 nəfər şagirdlərinin, məktəb rəhbərliyinin, müəllimlərin iştirakı ilə 10 metrlik Azərbaycanın Dövlət bayrağı ilə Heydər Əliyev parkına yürüş təşkil edildi. Yürüş Xətai rayonu İcra Hakimiyyəti tərəfindən parkda təşkil edilmiş bayram toplantısına qatılmaqla sona çatdı. Toplantıda məktəbimizin şagirdləri bayrama həsr olunmuş asfalt üstündə rəsm müsabiqəsində iştiraklarına görə diplomlarla təltif edildilər, digər şagirdlərimiz isə konsert proqramında iştirak etdilər.
