"Gözəllik və həqiqət şairi" adlı ədəbi-bədii gecə keçirildi
Azərbaycan Respublikası Təhsil nazirinin 07 aprel 2017-ci il tarixlı 193 nömrəli əmrin icrasını təmin etmək məqsədilə “Böyük azərbaycan şairi Molla Pənah Vaqifin 300 illik yubileyinin keçirilməsi haqqında “ Bakı Şəhəri üzrə Təhsil İdarəsinin 10.05.2017-ci il tarixli 35 №-li əmrinə əsasən 27 oktyabr 2017-ci il tarixində Xətai rayonu Zaur Məmmədov adına 171 nömrəli tam orta məktəbin akt zalında Molla Pənah Vaqifin həyat və yaradıcılığına həsr olunmuş “ Gözəllik və həqiqət şairi “ adlı ədəbi-bədii gecə keçirildi. Məktəbin Azərbaycan dili və ədəbiyyatı müəllimi Mahirə Nəsirovanın, metodbirləşmə sədri Mərziyyə Məmmədovanın təşkilatçılığı ilə təşkil olunmuş gecə 8 c sinfinin şagirdlərinin hazırladıqları maraqlı səhnəciklərlə yadda qaldı. Şagirdlərin Molla Pənah Vaqifin həyat və yaradıcılığı barədə topladıqları məlumat, hazırladıqları videoçarx müəllimlərin, şagirdlərin, valideynlərin alqışları ilə qarşılandı. Tədbirin sonunda məktəb rəhbərliyinin, müəllimlərin tədbir haqqındakı fikirləri , hazırlanmış ədəbi-bədii gecəyə verdikləri dəyər şagirdlərdə ruh yüksəkliyinə səbəb oldu. Şagirdlər belə tədbirlərin təşkilində və keçirilməsində daha da fəal olacaqlarını bildirdilər. Onlar qeyd etdilər ki, belə tədbirlərin keçirilməsi şagirdlərin dünyagörüşünün formalaşdirilmasında, tariximizin yaşanmasında böyük əhəmiyyəti var.
