“Narkomaniya - əsrin bəlası “ mövzusunda tədbir keçirildi
11 oktyabr 2017-ci il tarixdə Xətai rayonu Zaur Məmmədov adına 171 nömrəli tam orta məktəbdə “Narkomaniya - əsrin bəlası “ mövzusunda tədbir keçirildi. Tədbiri giriş sözü ilə məktəbin direktoru Zemfira Məsiyeva açdı. Tədbirdə Xətai rayon Polis İdarəsinin şəxsi heyyət üzrə rəis köməkçisi, polis polkovnik – leytenantı İdris Məhərrəmov, Xətai rayon Polis İdarəsinin Narkotiklərlə mübarizə bölməsinin rəisi polis mayoru Anar Rüstəmov, Xətai rayon Polis İdarəsinin inspektoru, polis kapitanı Fərid Əhədov, Narkoloji dispanserin həkimi Afət Məmmədova, Xətai rayon Veteranlar şurasının sədri Nazim Xıdırov, Veteranlar şurasının sədr müavini Adil Osmanov , Xətai RPİ-nin İctimai Təhlükəsizlik şöbəsinin Yetkinlik yaşına çatmayanlarla profilaktiki işin təşkili bölməsinin əməkdaşları iştirak etdilər. Tədbirdə narkomaniyanın törətdiyi mənfi fəsadları, narkomaniya nəticəsində baş verən xəstəliklər, narkomaniya ilə bağlı ölüm hadisələri, azyaşlı uşaqların narkomaniyaya cəlb edilməsi barədə faktlar, narkomaniyaya qarşı görülmüş proflaktik tədbirlər, yol hərəkəti qaydaları haqqında və onlara əməl olunması barədə söhbətlər aparıldı. Şagirdləri maraqlandıran suallara ətraflı cavablar verildi. Sonda məktəbin şagirdləri hazırladıqları narkomaniyanın törətdiyi mənfi fəsadlarla bağlı kiçik səhnəciklə çıxış etdilər.
