"Dünyaya sülh!"
Xətai rayonu Zaur Məmmədov adına 171 nömrəli tam orta məktəbin ikinci növbəsində təhsil alan 3, 4, 5, 6 sinif şagirdləri məktəbin böyük akt zalına toplaşaraq daha bir tədbirin iştirakçıları oldular. 9 ç sinif şagirdlərinin hazırladıqları bayram tədbiri “Sülh Günü”nə , ölkəmizdəki inkişafı, əminamanlığı əks etdirən videoçarxa tamaşa etməklə başladı. Daha sonra şagirdlərin ifasında səslənən məlumatlar, seirlər, mahnılar zalda olan şagirdlərin sevincinə səbəb oldu. Terrora qarşı mübarizə ilə bağlı şagirdlərin hazırladıqları səhnəcik nümayiş etdirildi. Bayram tədbiri məktəbin həyətində şagirdlərin iştirakı ilə təşkil olunmuş fləşmobla davam etdirildi. Tədbirin sonunda şagirdlər havaya göyərçinlər və helium qazı ilə doldurulmuş şarlara bağlanmış, Azərbaycan uşaqlarına unvanlanmış, ən xoş arzuları yazılmış açıqcaları səmaya uçurtdular.
