Şagirdlərimiz və fiziki tərbiyə müəllimimiz Açıq Avropa Çempionatında uğurla çıxış ediblər
3 şagirdimiz və fiziki tərbiyə müəllimimiz Barat Orucov Şimali Kipr Türk Respublikasında taekvando idman növü üzrə Açıq Avropa Çempionatında uğurla çıxış ediblər. Açıq Avropa Çempionatında məktəbimizin şagirdlərindən 2-si I, 1-i III yeri tutub. Beynəlxalq turnirdə şagirdlərimizlə bərabər onları yarışa hazırlayan, məktəbimizin fiziki tərbiyə müəllimi Barat Orucov yuxarı yaş dərəcəsi üzrə I yeri tutub. Açıq Avropa Çempionatında müxtəlif yaş və çəki dərəcələri üzrə 18 ölkədən olmaqla 250-dən artıq idmançı iştirak edib. Qaliblər medal və diplomla təltif olunublar. Şagirdlərimizi və fiziki tərbiyə müəllimimizi qazandıqları uğurlar münasibətilə təbrik edirik.
